“Dilimiz varlığımız” adlı tədbir keçirildi
21 fevral 2023-cü il tarixində Beynəlxalq Ana dili Gününə həsr olunmuş “Dilinmiz-varlığımız” adlı tədbir keçirildi. Tədbiri giriş sözü ilə açan Azərbaycan dili və ədəbiyyat müəllimləri Ana dilimizin şirin və rəvan bir dil olmasından, hər bir vətəndaşın öz Ana dilini sevməsinin və onu göz bəbəyi kimi qorumasının vacibliyindən söz açdılar. Tədbirdə Ana dilinə aid aforizmlər səsləndirildi, ulu öndər Heydər Əliyevin kəlamlarına aid görüntü nümayiş olundu. Tədbirin ikinci hissəsində isə şagirdlərin ifasında dahi şair Nizami Gəncəvinin “Yeddi gözəl” poemasından bir səhnə nümayiş olundu. Sonda isə Ana dili aylığında keçirilən müsabiqələrdə iştirak edən şagirdlər (Divar qəzetləri, inşa, şeir, səhnə) Fəxri fərmanla təltif olundular.
