20 Yanvar – müstəqilliyə gedən yolda xalqımızın qəhrəmanlıq tarixidir
18 yanvar 2023-ci il tarixində məktəbin kitabxanasında 20 Yanvar hadisələrinin 33-cü il dönümünə həsr edilmiş dəyirmi masa təşkil edildi. Belə ki, mövzu ilə əlaqədar stend və divar qəzetləri hazırlanmışdır. Dəyirmi masada məktəbin direktoru Lamiyə Quliyeva, uşaqlarla məktəbdənkənar və sinifdənxaric tərbiyə işi üzrə təşkilatçı Vüsalə Alyarova və məktəbin kitabxanaçısı Mirzəhra Bayramova 20 yanvar hadisələri ilə bağlı şagirdlərə geniş məlumat verdilər. Lamiyə Quliyeva 20 yanvar faciəsi xalqımızın yaddaşında qürur və qəhrəmanlıq səhifəsi kimi həkk olunduğunu qeyd edib. O, həmçinin bildirib ki, 1990-cı il yanvarın 19-dan 20-nə keçən gecə şəhidlərin qanı ilə Azərbaycanın yeni tarixi yazılıb. Həmin hadisə xalqımızın qəhrəmanlıq dastanına ən parlaq səhifələrdən biri kimi daxil olub. Dövlət müstəqilliyimizin bərpası, azadlığımız üçün ilk növbədə 20 Yanvar şəhidlərinə borclu olduğumuzu bir daha vurğulayıb. Sonda şagirdlər 20 Yanvara həsr edilmiş şeirlər səsləndirdilər.
