“İngilis dili aylığı” çərçivəsində açıq dərs keçirildi
Məktəbdə tədris olunan əsas fənlərdən biri də İngilis dilidir. Şagirdlər bu fənni böyük maraqla öyrənirlər. 09 yanvar 2023-cü il tarixində İngilis dili aylığı çərçivəsində məktəbin ingilis dili müəllimi Ayşən Rzayeva VI sinifdə açıq dərs keçirdi. Dərsin mövzusu "Pets" idi. Heyvanlara aid göstərilən videoroliklər vasitəsi ilə dərsin motivasiyası quruldu. Mövzuya uyğun olaraq hazırlanmış bir neçə qrup işlərini şagirdlər sərbəst şəkildə işləyərək təqdim etdilər. Dərsin quruluşu fəal təlimin tələblərinə cavab verirdi. Şagirdlər aktiv iştirak edirdilər. Dərsin sonunda mövzunun mənimsənilməsi üzrə hazırlanmış testləri şagirdlər düzgün cavablandırdılar.
