“Ulu Öndər! Sən həmişə bizimləsən!” adlı sinif saatı keçirildi
12 dekabr – Ümummilli lider Heydər Əliyevin anım günü ilə əlaqədar 07 dekabr 2022-ci il tarixində tərbiyə işləri üzrə direktor müavini Vüsalə Alyarova, Azərbaycan dili və ədəbiyyat müəllimi İlhamə Ağayevanın təşkilatçılığı VIII sinif şagirdlərinin iştirakı ilə “Ulu Öndər! Sən həmişə bizimləsən!” adlı sinif saatı keçirildi. Sinif saatında iştirak edən məktəbin direktoru Lamiyə Quliyeva Heydər Əliyevin dövlətçiliyin möhkəmləndirilməsi, ordu quruculuğu, milli kadr hazırlığı, Azərbaycan həqiqətlərinin dünyaya çatdırılması, milli mənəvi dəyərlərimizin təbliği və qorunması sahəsində həyata keçirdiyi genişmiqyaslı tədbirlər barədə şagirdlərə məlumat verildi. Bildirildi ki, Heydər Əliyev təhsilin məzmunu, mahiyyəti, məqsədləri, səmərəli təşkili, müəllim əməyinin şərəfi, dərsliklərin təkmilləşməsi, şagirdlərin və tələbələrin vəzifələri barədə dəyərli fikirlər söyləmiş, həm də Azərbaycan təhsilinin hərtərəfli yüksəlişi qayğısına qalmış, ölkədə elmin inkişafına töhfələr vermiş, illər bоyu bu sahələrdə böyük inkişafa rəvac verən sistemli tədbirlər həyata keçirmişdir. Ulu Öndərin təhsil və elm sahəsində müdrik kəlamları bizim nəsil və gələcək nəsillər üçün böyük örnək olduğunu şagirdlərin nəzərinə çatdırıldı. Sonda şagirdlər Ulu Öndərə həsr olunmuş şeirlər səsləndirdilər.
