“Zəfər” məktəblilərarası 1-ci tarix olimpiadasının ilk turu keçirildi
“Zəfər” məktəblilərarası 1-ci tarix olimpiadasının ilk turu 26 noyabr 2022-ci il tarixində keçirildi. Olimpiadanın ilk turunda iştirak edən şagirdlərin sayı qədər sual kitabçaları çap edildi və imtahan günü şagirdlərə paylanıldı. Olimpiadanın ilk turuna nəzarət edəcək məsul şəxslər (nəzarətçilər) məktəb direktoru Lamiyə Quliyeva tərəfindən əvvəlcədən müəyyən edilərək müvafiq qaydada təlimatlandırıldı. Şagirdlərə səhv cavab sayının düz cavablara təsir etdiyi bildirildi. Olimpiadanın ilk turu bitdikdən sonra sual kitabçaları şagirdlərdən yığılaraq direktor tərəfindən təyin edilmiş məsul şəxsə təhvil verildi.
