Ulu öndər Heydər Əliyevin xatirəsi ehtiramla anılıb
2 may 2022-ci il tarixində tərbiyə işlər üzrə direktor müavini Elza Cəfərova, sinif rəhbərləri Samirə İsgəndərova, Ayşən Rzayeva məktəbin bir qrup şagirdlərinin iştirakı ilə Fəxri Xiyabanda ulu öndər Heydər Əliyevin məzarı ziyarət edilib. Əvvəlcə ümummilli lider Heydər Əliyevin, eləcə də Azərbaycanın müstəqilliyi və ərazi bütövlüyü uğrunda şəhid olan soydaşlarımızın xatirəsi bir dəqiqəlik sükutla yad edilib. Şagirdlərə ümummilli lider Heydər Əliyevin Azərbaycan xalqının tarix boyu yetişdirdiyi nadir şəxsiyyətlərdən biri olduğu barədə ətraflı məlumat verildi. Bildirildi ki, həyatının mənasını xalqa və dövlətə xidmətdə görən ulu öndərimiz bu müqəddəs amal uğrunda ən çətin sınaqlara mərdliklə sinə gərmişdir və ona görə də bu gün millət fədaisi kimi xalqımız tərəfindən daim böyük ehtiramla, rəğbətlə xatırlanır.
