Şəhid Muxtar Qasımlının doğum günü münasibətilə sinif saatı keçirildi
Vətənimizə qələbə sevincini bəxş edən və bu yolda canından, qanından keçən igid Vətən oğullarımızdan biri şəhid Qasımlı Muxtar Əli oğlu yaşasaydı bu gün 29 yaşı tamam olacaqdı. Şəhidin doğum günü münasibətilə Azərbaycan dili və ədəbiyyat müəllimi İlhamə Ağayeva VII sinif şagirdləri ilə birgə sinif saatı təşkil etdi. Sinif saatında Erkən yaşlarından idmanla məşğul olaraq böyük nailiyyətlər qazanan, həmçinin 2019-cu ildə fitnes üzrə Azərbaycan çempionu adına layiq görülən Şəhid Muxtar Qasımlının döyüş yolundan danışılmış, əziz xatirəsi ehtiramla yad edilmişdir.
