Nizami Gəncəvinin “Leyli və Məcnun” poemasına həsr olunmuş əbədi-bədii gecə keçirildi
Nizami Gəncəvinin yubileyləri ölkəmizdə hər zaman təntənə ilə keçirilmişdir. Ölkə başçısı cənab İlham Əliyevin Azərbaycan Respublikasında 2021-ci ilin “Nizami Gəncəvi İli” elan edilməsi haqqında Sərəncamı Azərbaycan ədəbiyyatına və mədəni irsinə ayrılan yüksək diqqətin təcəssümüdür. 2021-ci ilin “Nizami Gəncəvi İli” elan olunması təkcə Nizami yaradıcılığına, ədəbiyyata deyil, ümumilikdə mədəniyyətə, Azərbaycana və sivilizasiyaya verilən dəyərdir. Nəhəng sənətkarın xalqımızın mənəviyyatının ayrılmaz hissəsinə çevrilmiş parlaq irsi əsrlərdən bəri Şərqin misilsiz mədəni sərvətlər xəzinəsində özünəməxsus layiqli yerini qoruyub saxlamaqdadır. 21 dekabr 2021-ci il tarixdə Məktəbin Azərbaycan dili və ədəbiyyat müəlliminin təşəbbüsü ilə VII sinif Nizami Gəncəvinin 880 illiyinə həsr olunmuş əbədi-bədii gecə keçirildi. Gecədə dahi şairimizin geniş şöhrət tapmış "Xəmsə"si, eyni zamanda, “Leyli və Məcnun“ poemasından kiçik səhnələr nümaş etdirildi.
