Ulu öndər Heydər Əliyevin anım günü ilə əlaqədar tədbir keçirildi
Xalqımızın ümummilli lideri Heydər Əliyevin anım günü ilə əlaqədar 09 dekabr 2021-ci il tarixində məktəbin kitabxanasında tərbiyə işləri üzrə direktor müavininin təşkilatçılığı, V-IX sinif şagirdlərinin iştirakı ilə Ulu Öndərə həsr edilmiş tədbir təşkil edildi. Heydər Əliyevin dövlətçiliyin möhkəmləndirilməsi, ordu quruculuğu, milli kadr hazırlığı, Azərbaycan həqiqətlərinin dünyaya çatdırılması, milli mənəvi dəyərlərimizin təbliği və qorunması sahəsində həyata keçirdiyi genişmiqyaslı tədbirlər barədə şagirdlərə məlumat verildi. Ulu Öndərin təhsil və elm sahəsində müdrik kəlamları bizim nəsil və gələcək nəsillər üçün böyük örnək olduğu şagirdlərin nəzərinə çatdırıldı. Sonda şagirdlər Ulu Öndərə həsr etdikləri divar qəzetlərini nümayiş etdirildilər.
