Ulu Öndər Heydər Əliyevin anadan olmasının 98-cı ildönümü ilə əlaqədar onlayn iclas keçirildi
29 aprel 2021-ci il tarixində ulu öndər Heydər Əliyevin anadan olmasının 98-cı ildönümü ilə əlaqədar tərbiyə işləri üzrə direktor müavini sinif rəhbərləri ilə birgə onlayn qaydada iclas təşkil etmişdir. Tərbiyə işləri üzrə direktor müavini Elza Cəfərova çıxış edərək xalqımızın və dövlətimizin xilaskarı olan Heydər Əliyevin həyat və zəngin siyasi fəaliyyətindən, Azərbaycan xalqı qarşısındakı misilsiz tarixi xidmətlərindən danışıb, dahi şəxsiyyətin ölkəmizə rəhbərliyinin bütün dövrlərində xalq və dövlət üçün yorulmadan fəaliyyət göstərdiyini, müstəqilliyimizin möhkəmləndirilməsi, dövlətçiliyimizin inkişafı, xalqın rifah halının daha da yaxşılaşdırılması üçün mühüm işlər gördüyünü tədbir iştirakçılarının diqqətinə çatdırıb.
Sinif rəhbərləri Ulu Öndərin uzaqgörən siyasi xəttinin Prezident İlham Əliyev tərəfindən uğurla həyata keçirilməsi nəticəsində ölkəmizin iqtisadi sahədə keçid dövrünü müvəffəqiyyətlə başa vurduğunu, inkişafın Azərbaycan modelini yaratdığını, Heydər Əliyev siyasətinin Prezident İlham Əliyev tərəfindən uğurla davam etdirilməsini Azərbaycanın daha möhtəşəm nailiyyətlərə imza atmasını şərtləndirdiyini bildirib. Onlar bu gün ölkəmizin iqtisadi, siyasi, humanitar mərkəzə çevrilməsi ilə hər bir azərbaycanlının fəxr etməli olduğunu tədbir iştirakçılarının nəzərinə çatdırıblar.
