Bahar təravətli Novruz Bayramı
Novruz bayramı hər zaman Azərbaycanda xususi təntənə ilə qeyd edilib. Məktəbdə Novruzun qeyd edilməsinin əsas məqsədi şagirdlərə bayramın tarixi barədə daha dolğun məlumatlar vermək, milli adət-ənənələrin gələcək nəsillərə ötürülməsinə və milli-mənəvi dəyərlərimizin qorunub saxlanılmasına nail olmaqdan ibarətdir.
Ümumtəhsil müəssisəsində Novruz bayramı münasibətilə divar qəzetləri, stendlər və guşələr, hazırlanıb. Dərslərdə xalqımızın qədim tarixini əks etdirən, milli adət və ənənələrimizi özündə birləşdirən Novruz bayramının tarixi, su, od, yel və torpaq çərşənbələrinin mahiyyəti, Novruz atributları haqqında şagirdlərə geniş məlumat verilib. Şagirdlər baharın təravətli nəfəsini özü ilə gətirən Novruz bayramına aid şeirlər səsləndirib, maraqlı səhnəciklər nümayiş etdiriblər.
