Tarixin ən dəhşətli faciələrindən olan Xocalı soyqırımı şagirdlərin gözü ilə
Xocalı soyqırımı Dünya və Azərbaycan tarixinə ən dəhşətli hadisələrdən biri kimi daxil olmuşdur. Azərbaycan xalqı tarixən erməni millətçi-şovinistlərinin davamlı olaraq etnik təmizləmə, soyqırım siyasətinə məruz qalmış, tarixi torpaqlarından qovulmuş, qaçqına, məcburi köçkünə çevrilmiş və bütün bunlar ermənilər tərəfindən kütləvi qırğınlarla müşayət olunmuşdur.
Müzəffər Ali Baş Komandan cənab İlham Əliyevin rəhbərliyi ilə rəşadətli Azərbaycan Ordusu böyük şücaət və yüksək döyüş hazırlığı göstərərək 44 günlük Vətən müharibəsində 30 ilə yaxın işğal altında olan torpaqlarımızı işğaldan azad etdi. Bu haqq döyüşündə tarix yazan Azərbaycan ordusu tərəfindən məhv edilən düşmən qüvvələri içərisində Xocalı soyqırımının cəlladları da vardı. Tarixi qələbə qazanan ordumuz bu qətliamın günahsız qurbanlarının qisasını aldı. Xocalıda, eləcə də Qarabağ uğrunda həlak olan bütün şəhidlərimizin ruhu əbədi rahatlığa qovuşdu.
24 fevral 2021-ci il tarixində Azərbaycan xalqına qarşı həyata keçirilən bu müdhiş qətliamla bağlı həqiqətlərin gələcək nəsillərə çatdırılması məqsədilə məktəbin V-IX sinif şagirdləri arasında onlayn qaydada rəsm müsabiqəsi keçirildi.
