İbtidai siniflərə şəhidlərin adları verildi
Qəhrəmanını tanımayan gəncliyin vətənpərvərlik tərbiyəsi tam olaraq formalaşa bilməz. Gənclərimizin öz qəhrəmanlarını tanıması ən ümdə məsələlərdən biridir. Qəhrəmanlıq özü bir məktəbdir ki, ondan örnək götürənlər vətənin sabahını qorumaq əzminə yiyələnirlər.
Azərbaycan Respublikasının Prezidenti, Müzəffər Ali Baş Komandan İlham Əliyevin böyük bacarıq və qətiyyətlə rəhbərlik etdiyi Qarabağ savaşında xalqımızın Böyük Qələbəsi əbədi olaraq tarixə yazıldı. Qarabağ savaşında misilsiz qəhrəmanlıq göstərən, şəhidlik və qazilik zirvəsinə yüksələn Azərbaycan oğullarının adı tariximizin şanlı səhifələrinə yazıldı. Bu gün Azərbaycanın ərazi bütövlüyü uğrunda şəhid olan, canını fəda edən hər bir vətən övladı xalqımız üçün misli olmayan bir dəyərdir.
Xalqımızın qəhrəman oğullarını uşaqlara və gənc nəslə tanıtmaq, onların mübarizə yolunu yeniyetmə və gənclərə aşılamaq məqsədilə ibtidai siniflərə şəhidləin adları verildi.
