Vətən müharibəsi şəhidlərinin xatirəsi yad edildi
06 dekabr 2020-ci il tarixində Vüsalə Aylarovanın təşəbbüsü ilə VII sinif şagirdləri ilə birgə Vətən müharibəsində şəhid olanların xatirəsinə həsr edilmiş sinif saatı keçirildi. Onlayn qaydada təşkil olunan sinif saatında ilk öncə dövlət himnimiz səsləndirildi. Tarix müəllimi Azərbaycanın ərazi bütövlüyü və azadlığı uğrunda canlarından keçən 44 günlük müharibədə dünya hərb tarixinə yeni bir səhifə yazan, müzəffər ordumuzun erməni təxribatlarına cavab olaraq əks-hücum əməliyyatlarına başlamaqla xalqımıza böyük qələbə sevinci yaşadan və əbədi olaraq zirvəyə ucalan şəhidlər haqqında hazırladığı video slaydı şagirdlərə təqdim edərək onlara ətraflı məlumat verib.
Olduğumuz torpaqlarımız şəhidlərimizin qanı və canı bahasına işğaldan azad edilib.Vətən müharibəsində Silahlı Qüvvələrimizin 2783 nəfər hərbi qulluqçusu həlak olub, 100 nəfərdən artıq hərbi qulluqçumuz isə itkin düşmüş hesab olunur. Hazırda 1245 nəfər hərbi qulluqçumuzun tibb müəssisələrində müalicəsi davam edir.
Şəhidlərimiz daim xalqımızın qəlbində yaşayacaq, daim onların xatirəsi uca və əziz tutulacaq.
