Azərbaycan Ordusunun Vətən müharibəsində şanlı qələbəsi münasibətilə rəsm müsabiqəsi keçirildi
İnsan qəlbinin ən böyük nəğməsi Vətəndir. Hər bir cəmiyyətin gələcəyi onun yetişməkdə olan gənc nəslidir. Vətən oğullarının qələbə çaldığı bu günlərdə yetişən nəsildə Vətənə, torpağa, el-obaya sevgi, məhəbbət hissini aşılamaq məqsədilə şagirdlər arasında "Qarabağ Azərbaycandır!” adlı rəsm müsabiqəsi elan edilmişdi. Müsabiqə Azərbaycanın işğaldan azad olunmuş dilbər guşəsi, sənət beşiyi, istedadlar diyarı, alim, yazıçı, şair, rəssam və musiqiçilərin vətəni - Qarabağa həsr olunmuşdu.
Şagirdlərin təqdim etdikləri rəsmlərdə qələbə sevinci və şəhidlərin əziz xatirəsinə ehtiram hissləri ifadə olunub.
