Məktəbdə Koronavirus (COVİD - 19) infeksiyasının qarşısının alınması məqsədilə dezinfeksiya işləri aparılıb
Koronavirus (COVİD - 19) infeksiyasının Azərbaycan ərazisində yarada biləcəyi təhlükənin qarşısının alınması məqsədilə təxirəsalınmaz tədbirlər davam etdirilir. Yoluxma hallarının qarşısının alınması, bu sahədə aparılan müvafiq profilaktik tədbirlərin effektivliyinin yüksəldilməsi, ölkə ərazisində yerləşən bütün təhsil müəssisələrində tibbi-profilaktik, dezinfeksiyaedici və digər qabaqlayıcı tədbirlərin intensivləşdirilməsi məqsədilə 2020-ci ilin mart ayının 3-dən 9-dək (ilk tədris günü mart ayının 10-u müəyyən edilir) bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərar qəbul olunmuşdur. Bu müddət ərzində Təhsil Nazirliyinə və tabeliyində təhsil müəssisələri olan müvafiq icra hakimiyyəti orqanlarına bütün təhsil müəssisələrində tibbi-profilaktik və dezinfeksiyaedici tədbirlərin davam etdirilməsi tapşırılmışdır. Qeyd olunanları nəzərə alaraq, Təhsil nazirinin 02 mart 2020-ci il tarixli F-155 nömrəli əmrinin icrasını təmin etmək məqsədi ilə məktəbimizdə 05 mart 2020-ci il tarixində dezinfeksiya tədbirləri görülmüşdür. Həmçinin məktəbdə təmizləməvə sanitariya tədbirləri aparılmışdır.
