“21 fevral Beynəlxalq Ana Dili Günü” ilə əlaqədar tədbir keçirildi
21 fevral 2020-ci il tarixində “21 fevral Beynəlxalq Ana Dili Günü” ilə əlaqədar məktəbin akt zalında ibtidai sinif şagirdlərinin iştirakı ilə “Dil açanda ilk dəfə ana söyləyirik biz”adlı tədbir keçirilmişdir. Tədbirdə məktəbin direktor əvəzi Seymur Yusibov müəllim və şagird kollektivi iştirak etmişdir. Məktəbin Azərbaycan dili və ədəbiyyat müəllimi Vəsxanım Əsədova tədbirdə çıxış edərək şagirdlərə Beynəlxalq Ana Dili Gününün tarixi, ümummilli liderimiz Heydər Əliyevin hazırlayıb həyata keçirdiyi dil siyasəti haqqında geniş məlumat verdi. Müəllim eyni zamanda bildirdi ki, dünyanın müxtəlif ölkələrində yaşayan azərbaycanlıların ünsiyyət vasitəsi olan Azərbaycan dilinə bu gün dövlətimiz tərəfindən də ən yüksək səviyyədə diqqət, qayğı göstərilir, onun saflığının qorunması və inkişafı üçün mühüm addımlar atılır.
