18 OKTYABR - MÜSTƏQİLLİYİN BƏRPASI GÜNÜ
18 oktyabr 2024-cü il tarixində tarix müəllimi Solmaz Babayevanın təşkilatçılığı ilə “Müstəqilliyin bərpası günü”nə həsr olunmuş dəyirmi masa keçirildi.
Tədbirdə xalqımızın ümummilli lideri Heydər Əliyevin və Azərbaycanın suverenliyi, müstəqilliyi, ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edildi. Dövlət Himni səsləndirildi.
Ümummilli Liderin xalqın istəyi ilə Azərbaycana qayıdışı və müstəqilliyimizin təhlükə altına düşməsinin qarşısını alması, xalqımız üçün misilsiz xidmətlər göstərməsi barədə danışan Solmaz Babayeva vurğuladı ki, Ulu Öndər tərəfindən qorunub saxlanılan müstəqilliyimiz bu gün Prezident İlham Əliyevin rəhbərliyi ilə daha da möhkəmləndirilir və onun əbədiliyi təmin edilir.
Tədbirin keçirilməsində əsas məqsəd gənclərin vətənpərvərlik, azərbaycançılıq və dövlətçilik prinsipləri əsasında tərbiyə olunması idi.
