216 №-li tam orta məktəb

          24.01.2020-ci il tarixində məktəbdə “Kimya, Biologiya aylığı” çərçivəsində “Biz təbiəti sevirik”  mövzusunda tədbir keçirildi. Tədbir məktəbin biologiya müəllimi Bağırova Günel tərəfindən təşkil olundu. Tədbirdə yuxarı sinif şagirdlərinin iştirakı ilə “Meyvələrin mübahisəsi” və “Orqanların söhbəti” səhnəciklərini  tədbir iştirakçıları maraqla izlədilər. Həmçinin tədbirdə meyvələr, bitkilər ümumiyyətlə canlı təbiət, kimyəvi turşular haqqında ətraflı slaydlar şagirdlərə nümayiş etdirildi, divar qəzetləri hazırlandı.

         17.01.2020-ci il tarixində məktəbimizdə 20 Yanvar faciəsinin 30-cu il dönümünə həsr olunmuş tədbirlər keçirildi. Tədbir Azərbaycan Respublikasının himni ilə başlandı. Daha sonra Şəhidlərimiz bir dəqiqəlik sükutla yad edildi. Məktəbin tarix müəllimləri dəhşətli faciə haqqında şagirdlərə geniş məlumatlar verdilər, slaydalar nümayiş etdirdilər. Şagirdlər də öz növbələrində 20 Yanvar faciəsinə həsr olunmuş səhnəciklər, şeirlər təqdim etdilər.                Həmçinin bu faciə ilə əlaqədar  14-15 yanvar tarixlərində  açıq dərslər keçirildi, inşa müsabiqələri, sərgilər  təşkil edildi, divar qəzetləri hazırlandı.

          12.01.2020-ci il tarixində məktəbin bir qrup müəllim və şagird heyəti and yerimiz olan Şəhidlər xiyabanını əllərində qərənfillərlə ziyarət etdilər.

          “Dünya azərbaycanlılarının həmrəylik günü” və “Yeni il” münasibətilə məktəbimizdə siniflər arasında sərgilər, tədbirlər  keçirildi. Tədbirdə Şaxta baba və qar qız şagirdləri əyləndirdilər. “31 dekabr Dünya azərbaycanlılarının həmrəylik günü”  münasibətilə divar qəzetləri hazırlandı. Siniflər arasında keçirilən sərgidə I yerin qalibi diplomla mükafatlandırıldı.

          24.12.2019-cu il tarixində “Mütaliə aylığı” ilə əlaqədar məktəbin V və VII sinif şagirdlərinin iştirakı ilə “Biz oxumağı sevirik” devizi ilə oxu günü keçirildi. Şagirdlər tədbirdə kitabın həyatımızda əhəmiyyəti ilə əlaqədar divar qəzetləri, slaydlar hazırlamışdılar.  Oxuduqları bədii kitablar müzakirə edildi, səhnəciklər nümayiş etdirildi. Tədbirin sonunda məktəbin direktoru E.Bayramov şagirdlərə kitab oxumağın faydaları ilə bağlı tövsiyələrini bildirdi.

          Bakı Şəhəri üzrə Təhsil İdarəsinin 26.11.2019-cu il tarixli F-448 nömrəli əmrinə əsasən 09-20 dekabr  tarixlərində 216 №li tam orta məktəbdə “Valideynin məktəbdə bir günü” layihəsi həyata keçirildi.

       Layihə çərçivəsində ilk mərhələ 09 dekabr 2019-cu il tarixdən etibarən başladı. Valideynlər məkltəbin şəraiti nəzərə alınmaqla mərhələli şəkildə hər  gün 40-50 valideyn layihədə iştirak etdi. Layihə çərçivəsində valideynlər dərslərdə iştirak etdi, məktəbin ümumi vəziyyəti ilə tanış oldular