Beynəlxalq Sülh Günü
Beynəlxalq Sülh Günü BMT-nin 30 noyabr 1981-ci ildəki qərarı ilə bütün dünyada qeyd olunur. Dünyanın 192 ölkəsi yekdil olaraq bu qərarın lehinə səs vermişdir. 1999-cu ildə rejissor Ceremi Cilli insan cəmiyyətinin əsas problemləri və nisbətən təcili həll olunmalı olan məsələlər barəsində "Peace one day"i yaratdı. Onun əsas cəhd etdiyi o idi ki, heç olmasa ildə bircə gün bütün dünyada insan zorakılığının baş verməsinin qarşısını alsın, atəşkəs olsun.
21 sentyabr nəinki xalqlar arasında, həmçinin, ailələrdə, məktəblərdə köklü zorakılığa qarşı mübarizənin əldə olunmasına nail olmaq üçün bir gündür. Bu səbəbdən də 21 Sentyabr bütün planet insanları üçün çox vacibdir.
Bu münasibətlə bizim məktəbdə də maraqlı tədbir keçirildi. Tədbiri məktəbin musiqi müəllimi Şəlalə İsmayılova və sinif rəhbəri olduğu 7 “A” sinif şagirdləri təşkil etmişdilər. Onlar uşaqlara Sülh Gününün tarixi, məramı haqqında məlumat verdilər. 7 "A" sinif şagirdlərinin hazırladığı musiqili kompozisiya və əl işlərini əks etdirən sərgi hamının marağına səbəb oldu.
