Bilik günü
15 sentyabr bu il bazar gününə təsadüf etdiyindən, “Bilik Günü” sentyabrın 16-da qeyd olundu. Dövlət himni səsləndikdən sonra məktəbin direktoru - Həcər Mahmudova bütün müəllimləri, şagirdləri, valideynləri və birinci sinifə qədəm qoymuş məktəbliləri salamlayaraq, yeni tədris ilinin başlanması münasibətilə təbrik etdi və onlara uğurlar arzuladı.
Məktəbin yuxarı sinif şagirdlərinin ifasında Bilik gününə həsr edilmiş musiqili kompozisiya təqdim olundu.
Sonra bayram əhval-ruhiyyəli tədbirdə söz birincilərə verildi. Məktəblilər Vətənə həsr olunmuş şeirlər səsləndirdilər, rəqs bacarıqlarını nümayiş etdirdilər.
Sonra isə həyacan və sevinclə gözlənilən ilk zəng çalındı. Məktəblilər onları öz qoynuna səsləyən doğma məktəbə daxil oldular. İnanırıq ki, bu il hər bir şagird üçün uğurlu və faydalı il olacaq.
