Şanlı hərbi qələbəmiz
Aprel döyüşləri bizim şanlı hərbi qələbəmizdir, dövlətimizin, xalqımızın, ordumuzun gücünü göstərən qələbədir.
5 aprel tarixdə məktəbdə Aprel döyüşlərinin 3-cü ildönümü münasibətilə geniş tədbir keçirildi. Tədbirdə Qarabağ uğruna gedən döyüşlərin, eləcə də Aprel döyüşlərinin iştirakçıları olmuş Qarabağ qaziləri, məktəbin müəllim-şagird-valideyn heyəti iştirak edirdi. Tədbiri məktəbin direktoru Həcər Mahmudova giriş sözü ilə açaraq bildirdi ki, 2016-cı il aprelin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu, aprel döyüşləri kimi tarixləşdi. Döyüşlər Azərbaycan Ordusunun qələbəsi ilə nəticələndi. Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqelər düşməndən azad olundu. Aprel döyüşləri nəticəsində Azərbaycan Silahlı Qüvvələri 2000 hektarlıq ərazini azad etmişdir.
Tədbirdə şagirdlərdən təşkil olunmuş komandalar arasında hərbi idman oyunları üzrə yarış keçirildi, fəallığı ilə fərqlənən komandalar rəğbətləndirildi. Sonra şagirdlərin ifasında vətənpərvərlik ruhunda şeir və mahnılar təqdim edildi.
