Novruz bayramınız mübarək!
Təbiətə canlanma, insanlara sevinc bəxş edən Novruz bayramı ölkəmizin hər
yerində təntənə ilə qeyd edilir. Özünəməxsus adətləri olan Noovruz bayramı özündə xalqımızın qonaqpərvərlik, barış, səmimiyyət kimi xüsusiyyətlərini əks etdirir. Uşaqdan böyüyə hər kəsin üzündə təbəssüm yaxınlarını, doğmalarını təbrik edir, bayram sovqatı ilə kimsəsizləri yad edir.
Nəsimi Rayon İcra Hakimiyyətinin təşkil etdiyi Novruz şənliyində məktəbin şagird və müəllim kollektivi də fəal iştirak etdi. Bəzənmiş xonçalar, qədim milli koloriti əks etdirən ev əşyaları, adət-ənənəyə uyğun geyimli qız və oğlanlar Azərbaycanın dilbər guşəsini-Qarabağı təmsil etdilər. Qarabağ şikəstəsi, Qarabağ yallısı ilə qonaqları qarşılayan məktəblilər Novruzun atributları: Bahar qız, Kosa və Keçəllə yumurta döyüşüb, sanamalar söylədilər. Şagirdlərin hazırladıqları kompozisiya qonaqlar tərəfindən alqışlarla qarşılandı.
Hər gəlişi ilə həyatımıza yeniliklər gətirən, təbiətə yeni ruh, insanlara sevinc gətirən Novruz bayramınız mübarək!
