Novruz gəlir, yaz gəlir
Xalqımızın mənəviyyatında və məişətində minilliklər boyunca yaşatmış olduğu, böyük coşqu və şövqlə sevə-sevə qeyd etdiyi ən qədim bayramlardan biri də Novruz bayramıdır. Novruz bayramı baharın gəlişi şərəfinə qeyd edilir və yeni ilin qarşılanmasını bildirir.
19 mart tarixində məktəbin kitabxanasında kitabxana müdiri Ülviyyə Fərəcova və biologiya müəllimi Münəvvər Məmmədovanın təşəbbüsü ilə Novruz bayramına həsr olunmuş tədbir keçirildi. Tədbirdə 5-ci sinif şagirdləri Novruz adət-ənənələrinə aid bayatılar, haxışdalar, tapmacalar, Novruzun gəlişinə həsr olunmuş şeirlər, məlumatlar, milli rəqslər nümayiş etdirdilər.
