Məktəblilər ekskursiyada
Azyaşlı məktəblilərin dünyagörüşünün genişlənməsi, məlumatlanması və müşahidə qabliyyətinin artırılması, həmçinin milli adət-ənənələrimizin təbliği sahəsində və qədim tarixə malik olan Vətənimizin görkəmli yerləri haqqında yeni biliklər əldə edilməsində ekskursiyaların mühüm rolu vardır.
Məktəbin 5-ci sinif şagirdləri bu günlərdə İçərişəhər kompleksində ekskursiyada oldular. Şagirdlər qoruğun əməkdaşları tərəfindən Azərbaycan tarixinin və memarlığının mühüm məqamlarını özündə əks etdirən Şirvanşahlar sarayı, Qız qalası, qədim tikililər və eksponatlar barədə geniş məlumat əldə etdilər. Qədim milli geyimlər, saraydakı otaqların quruluşu balaca məktəblilərin xüsusi marağına səbəb oldu.
