Ən gözəl örnək olan həyat yolu
Azərbaycan xalqının fəxr edə biləcəyi şəxsiyyətləri, elm xadimləri, sənət nümayəndələri, siyasətçiləri həmişə olub. Tarixən də, elə indi də dünya miqyasında tanınan həmvətənlərimizin keçdiyi həyat yolu gənc nəsil üçün böyük məktəbdir.
Həyatını xalqına, vətəninin çiçəklənməsinə, onun dünyanın tanınmış dövlətləri ilə eyni cərgədə dayanmasına həsr edən ümummilli lider Heydər Əliyevin keçdiyi həyat yolu müasir gənclik üçün əvəzolunmaz örnəkdir. Milyonların qəlbində daim yaşayan müasir Azərbaycanın qurucusu Heydər Əliyevin həyat və fəaliyyəti barədə 240 № li məktəbdə keçirilən növbəti dərsdə məktəbin direktoru, XI sinif şagirdləri, müəllimlər də iştirak etdilər.
Bu dahi şəxsiyyətin hər kəsə örnək ola biləcək həyat və fəaliyyəti haqqındakı bu dərs şagirdləri, eləcə də tədbir iştirakçılarını dövlət müstəqilliyimizi göz bəbəyi kimi qorumağa və onun daha da çiçəklənməsi üçün əllərindən gələni etməyə bir daha ruhlandırdı.
