20 yanvar Qan yaddaşımızdır
15.01.2019-cu il tarixində məktəbimizin kitabxanasında kitabxana müdiri Fərəcova Ülviyyə, kitabxanaçı Yusubova Rayihənin təşkilatçılığı ilə 20 Yanvar faciəsinin 29-cu ildönümünə həsr olunmuş tədbir keçirildi.Tədbirdə sinif rəhbəri Radə Hüseynovanın rəhbərliyi ilə 4"B" sinif şagirdləri iştirak edirdilər.
Tədbir Azərbaycan Respublikasının Dövlət Himni ilə başladı,canlarını xalqımızın azadlığı uğrunda qurban vermiş qəhrəman vətən övladlarının xatirəsi bir dəqiqəlik sükutla yad edildi.Tədbirdə azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə söhbət açıldı.
Şagirdlər şəhid kimi əbədiyyətə qovuşan vətən övladlarının şücaətindən bəhs edən şeirlər, məlumatlar və fərdi rəsmlərdən ibarət sərgi nümayiş etdirdilər.
Tədbirin sonunda tərbiyə işləri üzrə direktor müavini Gültəkin Ədilova 20 Yanvar faciəsi haqqında ətraflı çıxış etdi və şagirdlərə təşəkkürünü bildirdi.
