2 fevral Gənclər Günüdür
2 fevral ölkəmizdə Gənclər Günüdür. Bu günün gənclər günü kimi qeyd olunması ulu öndər Heydər Əliyevin gənclərə həmişəlik hədiyyəsi olmuşdur. Məhz ulu öndərin hakimiyyətə ikinci dəfə qayıdışından sonra Azərbaycanda dövlət gənclər siyasətinin əsası qoyuldu. 1994- cü ildə yaradılan Gənclər və İdman Nazirliyi ölkəmizdə idarəetmə bacarığı ilə seçilən intelektual, dünyagörüşlü gənclərə qayğı göstərmiş , respublikamızın siyasi, iqtisadi yüksəlişində gənclərin xidmətlərini yüksək qiymətləndirmişdir. Gənclər günü münasibətilə məktəbimizdə müəllim və yuxarı sinif şagirdlərinin iştirakı ilə dəyirmi masa keçirildi. Məktəbin direktor müavini bu günün yaranma tarixi, gənclər gününün əhəmiyyəti barədə iştirakçılara məlumat verdi. Tarix müəllimləri H. Azyev, G. Süleymanova çıxışlarında dövlətimizin gənclərə qayğısından, prezident İlham Əliyevin gənclərə dəstək üçün yaratdığı Gənclər Fondunun əhəmiyyətindən söz açdılar. Yuxarı sinif şagirdlərindən Ə. Xəlfəquliyeva ölkəmizdə gənclərə göstərilən qayğının yüksək səviyyədə olmasını qeyd edərək, onların da Azərbaycanın müstəqilliyi, elm və təhsil sahəsində uğurlarında iştirak etməsinin vacib olduğunu vurğuladı.
