Qarabağ qazisi Kamil Musəvi ilə görüş
Ümummilli lider Heydər Əliyevin xatirəsinə həsr edilmiş silsilə tədbirlərin davamı olaraq VIII-XI sinif şagirdləri ilə Qarabağ qazisi Azərbaycan Silahlı Qüvvələrinin Baş Leytenantı Kamil Musəvinin görüşü keçirildi.Görüş şagirdlərdə ən vacib duyğu olan vətənpərvərlik duyğusunu aşılamaq, formalaşdırmaq məqsədi daşıyırdı.
Tədbirdə ürəklərdə əbədiyaşar insan H.Əliyevin həyat yolundan danışıldı, hərbi hissələrə səfəri zamanı hərbçilərlə, əsgərlərlə səmimi söhbətini əks etdirən kadrlar nümayiş etdirildi.Döyüş tapşırığını yerinə yetirən zaman xəsarət almış K.Musəvi keçdiyi döyüş yolundan söhbət açdı.Qarabağ qazisi şagirdlərin diqqətinə çatdırdı ki,Vətəni sevməyin ,Vətəni qorumağın başlıca yolu dərin biliklərə yiyələnib Vətən üçün savadlı kadr kimi yetişməkdədir.
Sonda məktəbin direktoru H.Mahmudova tədbirlə bağlı ürək sözlərini bildirdi.
