Hüquqlarımızı bilək, paylaşaq
15 noyabr 2018-ci il tarixində Akif Abdullayev adına 211 saylı tam orta məktəbin 6 “Ç” sinif şagirdləri öz sinif rəhbərləri Ramilə Əhmədova ilə birlikdə "Hüquqlarımızı bilək, paylaşaq" mövzusunda tədbir hazırlamışdırlar.
Tədbirdə "Uşaq Hüquqları Konvensiyasının tarixi", "Uşaq hüquqları", "Vətəni sev, xalqın adını uca tut!", "Qaranlıqdan baxma, təhsil ilə gələcəyini işıqlandır!", "Asudə vaxtını səmərəli təşkil et!", "İnternet imkanlarından yararlan, təhlükəsizliyini də unutma!" çərçivəsində çıxışlar etdilər.
Sinfin fəalları "Qarabağ həqiqətlərini dünyaya çatdırmaqda sənin də rolun olsun!" başlıqlı səhnəcik göstərdilər. Şagirdlər bildirdilər ki, hüquqları ilə yanaşı onların yerinə yetirməli olduqları vəzifələri də var. Sonda bütün sinif "Hüquqlarımızı bilək, onu qoruyaq, hüquqlarımızı pozmağa heç kəsə imkan verməyək!" şüarını səsləndirdilər.
