Respublika fənn müsabiqəsinin qalibləri mükafatlandırılıb
Dünən Bakı şəhəri Arif Hüseynzadə adma 20 nömrəli məktəb-liseydə Respublika fənn müsabiqəsinin qaliblərinin mükafatlandırılması mərasimi keçirilib. Mərasimdə riyaziyyat, fizika, kimya, biologiya və informatika fənləri üzrə VI-VII sinif şagirdləri arasında iki mərhələdə keçirilən IV Respublika fənn müsabiqəsinin rayon (şəhər) mərhələsində 15232, final mərhələsində isə 1363 şagird iştirak edib. Müsabiqənin nəticələrinə əsasən, ümumilikdə 169 nəfər qalib elan olunub. Onlardan 30 nəfər qızıl, 56 nəfər gümüş, 83 nəfər isə bürünc medal qazanıb.
Müsabiqə qaliblərinə diplom, medal və hədiyyələr təqdim edilib. Tədbirdə həmçinin nailiyyətləri ilə seçilən 13 ümumi təhsil müəssisəsinin rəhbərliyi də təltif olunub.
Bu tədbirdə bizim məktəbin direktoru Həcər Mahmudova,riyaziyyat müəllimi Rəbiyə Şükürova və 7-ci sinif şagirdi Əli Rəhimov iştirak etmişdirlər.Şagirdimiz 7-ci siniflər arasında riyaziyyat fənni üzrə II yerə layiq görülərək gümüş medal qazanmışdır.
