9may-Qələbə Günü
Mayın 5-də Nəsimi rayon İcra Hakimiyyətinin təşkilatçılığı ilə 1941-1945-ci il müharibəsi qəhrəmanlarının şərəfinə ucalmış abidənin yerləşdiyi parkda rayon rəhbərliyi və rayon ictimaiyyətinin nümayəndələri,veteranların iştirakı ilə çox geniş və təntənəli tədbir keçirildi.Tədbirdə Nəsimi rayon İcra Hakimiyyətinin Başçısı əlamətdar gün münasibəti ilə veteranları və tədbir iştirakçılarını təbrik edərək,onlara ən xoş arzularını çatdırdı.O,qeyd etdi ki,Böyük Vətən müharibəsinin iştirakçıları və həmin illərdə arxa cəbhədə çalışanlar bu gün bizim rahat yaşamağımız üçün əsl fədakarlıq göstərmişlər.Tədbirdə orkestrin ifasında Azərbaycan Respublikasının Dövlət Himni səsləndirilmiş,rayon məktəblərinin”Şahinlər”komandasının rəsmi keçidi olmuşdur.Məktəbimizin hərbi müəllimi İlham Babayev və X-XI sinif şagirdləri də bu tədbirdə fəal iştirak etmişlər.
