ADA Universiteti ilə tanışlıq
Tətil günlərini maraqlı keçirmək məqsədi ilə məktəbin bir qrup şagirdi Azərbaycan dili və ədəbiyyat müəllimi İlahə Rüstəmovanın təşkilatçılığı ilə ADA Universitetində oldu. Universitetin əməkdaşları şagirdləri gülərüzlə qarşılayıb bu görüşdən xeyli məmnun olduqlarını bildirdilər. Əvvəlcə şagirdlər universitetin kitabxanası ilə tanış oldular. Zəngin kitabxana şagirdlərin marağına səbəb oldu. Onlar elektron kitablardan istifadə, ümumiyyətlə, kitabxanada işin təşkili barədə geniş məlumat aldılar. Daha sonra universitetin tələbə qəbulu üzrə təmsilçisi Şəbnəm xanım universitet və əlaçı tələbələr haqqında videoçarx göstərdi, geniş məlumat verdi. Şagirdlər universitetdən xoş təəssüratlarla ayrıldılar.
