21 sentyabr Beynəlxalq Sülh Günüdür
21 sentyabrda Beynəlxalq Sülh Günü ilə əlaqədar məktəbin 7a sinfinin şagirdləri ilə tədbir keçirildi. Sülhün carçıları olan yeddincilər açıq səma altında azad sülh və əminamanlıq şəraitində, atalı-analı yaşamaq arzusu ilə rəsmlər çəkdilər, şeirlər söylədilər. “Maddi və mənəvi dəyərləri ilə yaşadığımız dünyanın qədrini lazımi səviyyədə bilirikmi?” mövzusu ətrafında diskusiya keçirdilər. Tədbirin sonunda “ Dünyaya sülh gərəkdir” adlı kompozisiyada amansızlığın, terrorun və müharibələrin qurbanlarına çevirilmiş minlərlə günahsız körpələrin, o cümlədən balaca Zəhranın haqqlarının pozulmasına aid videoçarx izlənildi.
