Məktəbimizdə “Bilik Günü”nə həsr olunmuş tədbir keçirildi.
Sentyabırın 15-i ölkəmizin bütün ümumtəhsil ali təhsil ocaqlarında yeni dərs ili başlayır. Bu gün Azərbaycanın çoxmilyonlu təhsil içtimaiyyətinin bayramı - Bilik günüdür. Məktəbimizdə bu bayram münasibətilə geniş tədbir keçirildi. Tədbir Azərbaycan Respublikasının Himni ilə başladı. Şagirdləri, onların valideynlərini və müəllimləri Bilik Günü münasibətilə təbrik edən məktəbin direktoru V.Babayev bu günün yaranması, əhəmiyyəti, respublikamızda təhsilə və təhsil işçilərinə göstərilən diqqət və qayğıdan söz açdı. Ölkəmizdə təhsil sisteminin bütün pillələri üzrə Dövlət proqrqmlarının uğurla həyata keçirilməsi, H.Əliyev fondunun dəstəyi və birbaşa təşəbbüsü ilə yeni məktəblərin tikilməsi, bərpası Ulu öndərin təhsil siyasətinin uğurlu davamının göstərisi olması xüsusilə vurğulandı. 2016-2017-ci tədris ilində məktəbimizi bitirib respublikanın və xarici ölkələrin ali məktəblərinə yüksək balla daxil olmuş məzunlar və onların valideynləri də tədbirdə iştirak edirdi. Onlar bu naliyyətlərini əldə etməkdə məktəbin və müəllimlərin əməyindən söz açıb təşəkkür etdilər. Məktəbin qonağı, Azərbaycanın xalq artisti Elxan Qasımov da tədbirdə iştirak edərək Bilik Günü münasibətilə şagirdləri, onların valideynlərini və müəllimləri təbrik etdi. Bu bayram günüdə biricilərin sevincinin həddi-hüdudu yox idi. İlk dəfə məktəb həyatına qədəm basan birincilər üçün sevinc və həyəcanla gözlənilən bir gündür. Məktəbin direktoru onları təbrik edib ilk zəngin sədaları altında sinif otaqlarına dəvət etdi. İlk dərs Cocuq Mərcanlı kəndinin işğaldan azad olunması və aprel döyüşlərinə həsr olundu. Şagirdlərə bu haqda məlumat verildi. V.Babayev sinif otaqlarında da şagirdlərlə görüşüb onları yeni dərs ili münasibətilə təbrik etdi, uğurlar arzuladı.
