28 May Respublika Günüdür
Müstəqilliyini bərpa etdikdən sonra 28 May Respublika Günü hər il ölkəmizdə təntənə ilə qeyd edilir. Keçirilən tədbirlərdə Cümhuriyyət dövrünə bir daha nəzər salınır, onun tariximizdəki yeri və rolu ətraflı təhlil edilir, dövlət quruculuğu təcrübəsi hərtərəfli öyrənilir. Cəmi 23 ay fəaliyyət göstərməsinə baxmayaraq Azərbaycan Xalq Cümhuriyyəti Avropanın demokratik dəyərləri ilə Şərq mədəniyyətinin xüsusiyyətlərini özündə birləşdirən yeni dövlət və cəmiyyət nümunəsi idi. Respublika Günü münasibəti ilə məktəbin ibtidai siniflərində “Azərbaycan-yurdum mənim” adlı sinif tədbirləri keçirildi. Bu tədbirlərdə hazırlanmış təqdimatlara baxıldı, şagirdlərin ifasında Vətənə, xalqa, qəhrəmanlığa aid şeirlər söylənildi, mahnılr ifa edildi.
