“Oftalmologiyamızın tükənməz xəzinəsi” adlı tədbir keçirildi
Aprelin 26-da məktəbin musiqi müəllimi Şəlalə İsmayılovanın təşkilatçılığı və rəhbərliyi altında görkəmli oftalmoloq alim, akademik Zərifə xanım Əliyevanın doğum gününə həsr olunmuş tədbir keçirildi. Tədbirdə məktəbin şagirdləri, müəllimlər və valideynlər iştirak etdilər. Şagirdlər Zərifə xanım Əliyevanın həyat və yaradıcılığından , onun tibb elminə gətirdiyi yeniliklərdən, ictimai siyasi həyatdakı xidmətlərindən geniş məlumat verdilər. Eyni zamanda Zərifə xanım Əliyevanın həyatından bəhs edən videoçarx göstərildi. Şagirdlərin ifasında mahnılar oxundu və rəqs nümunələri nümayiş etdirildi. Tədbirin sonunda məktəbin direktoru Vaqif Babayev çıxış edərək hər bir gəncə Heydər Əliyev irsini və Zərifə xanım Əliyevanın həyat yolunu öyrənməyi tövsiyə etdi. Anaya həsr olunmuş şeir müsabiqəsinin qaliblərinə diplomlar verildi.
