20 Yanvar - Qan Yaddaşımız
17 yanvar 2025-ci il tarixində, bütün təhsil müəssisələrində olduğu kimi, bizim məktəbdə də ilk dərslər 20 Yanvar faciəsinin 35-ci ildönümünə həsr olunub.
Müəllimlərimiz şagirdlərə 1990-cı il yanvarın 20-də baş verən hadisələr barədə geniş məlumat veriblər. Keçirilən dərslər zamanı şagirdlər şəhidlərimizin vətənimiz uğrunda göstərdiyi igidlikləri öyrəniblər, Azərbaycanın azadlıq və müstəqillik yolunda keçdiyi şərəfli tarixi bir daha xatırlayıblar .
Üzərindən 35 il keçsə də, 1990-cı il yanvarın 19-dan 20-nə keçən gecə Bakı şəhərində baş verən qanlı hadisə xalqımızın yaddaşında silinməz izlər buraxıb. Dünya tarixinə 20 Yanvar faciəsi kimi düşən bu hadisə Azərbaycanın milli müstəqillik hərəkatında çox böyük rol oynadı və azadlığa gedən yolun qansız-qadasız ötüşmədiyini bir daha təsdiq etdi.
20 Yanvar faciəsi xalqımızın qan yaddaşıdır. Hər il bu gün şəhidlərimizin əziz xatirəsi dərin ehtiramla yad edilir, onların bizə bəxş etdiyi azadlıq dəyərləri gələcək nəsillərə aşılanır.
ŞƏHİDLƏRİMİZİN XATİRƏSİ QƏLBİMİZDƏ DAİM YAŞAYACAQ!
