Valideyn iclası keçirilib
13 yanvar tarixində məktəbin 7 "B" sinfində pedaqoji kollektivin iştirakı ilə valideyn iclası keçirilmişdir. İclas zamanı sinif rəhbəri Təhminə Veysəlova şagirdlərin təlim-tərbiyə vəziyyəti barədə valideynlərə ətraflı məlumat vermişdir.
Sinifdə dərs deyən fənn müəllimləri şagirdlərin dərslərə münasibəti, qavrama səviyyələri və müvəffəqiyyət göstəriciləri haqqında valideynlərə hesabat təqdim etmişlər.
Bundan əlavə, təhsilalanların davamiyyəti, sağlam qidalanması, şagird davranış qaydalarına riayət etməsi, dərsdənkənar vaxtlarını düzgün təşkil etmələri və digər mühüm məsələlərlə bağlı sinif rəhbəri Təhminə Veysəlova tərəfindən məlumat verilmişdir.
