Hələlik payız, xoş gördük qış
Məktəbin rus bölməsinin 3 "E" sinfi tərəfindən maraqlı və rəngarəng bir tədbir təşkil olunub. “Hələlik payız, xoş gördük qış” adlı tədbirdə şagirdlər fəal iştirak edərək öz istedadlarını nümayiş etdiriblər.
Tədbirdə uşaqların ifasında mahnılar, şeirlər səslənib, rəqs nömrələri ilə mövsüm dəyişkənliyinə xüsusi rəng qatılıb. Bu yaradıcı proqram sinif rəhbəri Vəfa Əzimovanın böyük səyləri nəticəsində baş tutub. O, tədbirdə çıxış edərək şagirdləri ilə qürur duyduğunu vurğulayıb.
Tədbirin yekununda məktəbin direktoru tarix üzrə fəlsəfə doktoru Rəhman Hacıyev çıxış edərək bu cür tədbirlərin şagirdlərin dünyagörüşü və təfəkkürünün inkişafında mühüm rol oynadığını qeyd edib və təşkilatçılara təşəkkürünü bildirib.
