Estafet yarışı keçirilib
2 dekabr tarixində məktəbin idman zalında Ulu Öndər Heydər Əliyevin anım gününə həsr olunmuş estafet yarışı keçirilib. Yarışda 5-ci sinif şagirdləri iştirak edib. Tədbir fiziki tərbiyə müəllimləri Yusibova Ella və Seyidzadə Sevdayənin rəhbərliyi ilə təşkil olunub.
Estafet yarışı şagirdlər arasında həm sağlam rəqabət ruhunu, həm də komanda işini gücləndirib. Bu tədbir həm Heydər Əliyevin irsinə ehtiramın ifadəsi, həm də gənc nəsildə idman sevgisini artırmaq məqsədi daşıyıb. Yarış iştirakçıları və təşkilatçıları yüksək motivasiya və ruh yüksəkliyi ilə yadda qalan bir gün yaşayıblar.
