Mən Şəhidəm, ölməmişəm
27. 09.2024-cü il tarixində şəhidlərin əziz xatirəsinə həsr olunmuş "Mən Şəhidəm, ölməmişəm!" adlı tədbirimiz məktəbin həyətində baş tutdu. Şagirdlər qəhrəmanlıqları ilə qəlbimizdə silinməz izlər buraxmış şəhidlərin keçdiyi mübarizə yolundan, fədakarlığından bəhs edən şeirlər, səhnəciklər nümayiş etdirdilər. Vətənpərvəlik mövzusunda oxunan mahnılar, əsgər marşı iştirakçılar tərəfindən alqışla qarşılandı. Şagirdlər şəhidlərin bizə miras qoyub getdiyi Vətən torpağını göz bəbəyi kimi qoruyacaqlarına and içdilər. Tədbirdə məktəbin direktoru, qazilər, müəllimlər, şagirdlər və valideynlər iştirak etdi. Tədbirin sonunda müharibə iştirakçıları ilə xatirə şəkli çəkildi.
