Məktəbdə təhlükəsizlik mühitinin möhkəmləndirilməsi
Məktəblərdə normal iş ahənginin qurulması və təlim-tərbiyə prosesinin mövcud qanunvericiliyin tələblərinə uyğun aparılması üçün mühüm şərtlərdən biri də təhlükəsiz mühitin yaradılmasıdır. Təhlükəsiz məktəb şagirdlərin, müəllimlərin və məktəb kollektivinin digər üzvlərinin özlərini fiziki, psixoloji və sosial baxımdan tam sərbəst hiss etdikləri yerdir. Qeyd edilənləri nəzərə alaraq və məktəbdə təhlükəsizlik mühitinin yaradılması barədə Bakı Şəhəri üzrə Təhsil İdarəsinin 09.04.2024-cü il tarixli 3-29- 59/2-1578/2024 nömrəli təlimati məktubunun icrasını təmin etmək məqsədilə 24 aprel tarixində məktəbdə “Məktəbdə təhlükəsizlik mühitinin möhkəmləndirilməsi“ ilə əlaqədar olaraq təlimatın müzakirəsi təşkil edildi. Məktəbin direktoru tarix üzrə fəlsəfə doktoru Rəhman Hacıyev təlimat və məktəbdaxili əmrlə iştirakçıları tanış edərək həyata keçirilməsinə məsul şəxslərə tapşırıqlar verdi. Təkliflər dinlənildi.
