Zəfər Günü
Məktəbin 3 "A" sinfində ibtidai sinif müəllimi Sevda Məmmədyarovanın təşkilatçılığı ilə "Zəfər Günü"nə həsr olunmuş tədbir keçirilib. Tədbir Azərbaycan Respublikasının Dövlət himninin səsləndirilməsi ilə başlayıb. Daha sonra Vətən müharibəsində şəhidlik zirvəsinə ucalan qəhrəmanlarımızın əziz xatirəsi 1 dəqiqəlik sükutla yad edilib. Şagirdlər tədbirdə uzun illərdən bəri Azərbaycan Respublikasının Prezidenti İlham Əliyev tərəfindən aparılan məqsədyönlü, xüsusilə ordu quruculuğu sahəsində həyata keçirilən tədbirlərin öz bəhrəsini verdiyini, Zəfər Günü sevincini bizə yaşatdıqları üçün Ali Baş Komandana və Müzəffər Ordumuza dərin məhəbbəti öz çıxışlarında ifadə ediblər. Şagirdlər Vətənə və şəhidlərə həsr olunmuş şerlər söyləyib, vətənpərvərlik ruhunda mahnılar oxuyublar. Tədbir “Qarabağ Azərbaycandır !” şüarı ilə sona yetib. Tədbirdə məktəbin direktoru tarix üzrə fəlsəfə doktoru Rəhman Hacıyev, təlim tərbiyə işləri üzrə direktor müavini Şəfəq Balıyeva və fənn müəllimləri iştirak ediblər.
