Bütövləşən Yurdum
3 noyabr tarixində məktəbin akt zalında Şanlı Zəfərimizin üçüncü ildönümünə həsr edilmiş “Bütövləşən Yurdum” adlı tədbir keçirildi. Tədbirdə 30 il ərzində xalqımızın çəkdiyi bütün iztirablara son qoyan tariximizin şanlı səhifəsinə qızıl hərflərlə yazılan 44 günlük Vətən Müharibəsindən və bu müharibədə xalqımızın, qəhrəman ordumuzun Müzəffər Ali Baş kamandanımızın ətrafında birləşərək qazandığımız parlaq qələbəmizdən danışıldı. Bu illər ərzində qəlbimizdə alovlanan Vətən həsrətini sona çatdıran, ata-baba torpaqlarına qayıtmaq arzumuzu gerçəkləşdirən ölməz şəhidlərin qəhrəmanlığından bəhs edildi. Tədbirdə bizim daim qürur duyduğumuz Qazilərimiz də iştirak etdilər. Onlar tədbir iştirakçılarına özlərinin keçdikləri döyüş yolundan bəhs etdilər. Sonda şagirdlərin ifasında məktəbimizin musiqi müəllimi Şəlalə İsmayılovanın hazırladığı Qələbəmizi tərənnüm edən gözəl şeir və mahnılar oxundu.
