Əmanətiniz əmanətimizdir
Prezident İlham Əliyevin 2 dekabr 2020-ci il Sərəncamına əsasən Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilir.
Məktəbin Azərbaycan dili və ədəbiyyat müəllimi Afaq Hacıyeva, musiqi müəllimi Şəlalə İsmayılova bununla əlaqədar “Əmanətiniz əmanətimizdir “ adlı tədbir həyata keçirdi. Tədbirdə məktəbimizin adını daşıdığı Birinci Qarabağ müharibəsinin şəhidi Akif Abdullayevin ömür- gün yoldaşı Gülnarə Abdullayeva, İkinci Qarabağ müharibəsinin şəhidi Elçin Həsənlinin anası Xatirə xanım iştirak edirdi. Əvvəlcə
Anım günü ilə əlaqədar olaraq həlak olanların xatirəsi bir dəqiqəlik sükutla anıldı. Daha sonra şagirdlərin ifasında 44 günlük Vətən müharibəsində canlarından keçən şəhidlərə ehtiram əlaməti olaraq ədəbi - bədii kompozisiya səsləndirildi. Hərbçi şagirdlər hər zaman şəhidlərimizin xatirəsini əziz tutub bayrağımızı zirvələrdə dalğalandıracaqlarına and içdilər. Sonda məktəbin direktoru tarix üzrə fəlsəfə doktoru Rəhman Hacıyev Anım günü ilə bağlı çıxış etdi.
