"Elimizə Novruz gəlir" adlı tədbir
İlaxır çərşənbə, Novruz bayramı tonqalı bu gün bizim doğma ailədə - 211 saylı məktəbdə yandırıldı. Məktəbimiz bu şənlik tonqalının ətrafına toplaşdı. Yenə Dədəm Qorqud gəldi söz söylədi, saz çaldı. Xeyir-duasını verdi, tonqalımıza od vurdu. Məktəbimizin körpə fidanları bu şənliyə xüsusi gözəllik, dad qatdı. Musiqi müəllimimiz Şəlalə İsmayılova, əmək müəllimimiz Təhminə Əliyeva bu şənliyi hazırlayan, məktəbimizə bayram ovqatını yansıtanlar idi. Kosa, Keçəlin şirin-şirin deyişməsi, rəqsi, hakıştaların sədası, gül balalarımızın sevinci, qəhqəhələri aləmi bürüdü. Novruz xonçasından pay alan Keçəlin məktəbimizin rəhbəri ilə yumurta döyüşdürməsi daha bir maraqlı səhnə idi.
Tədbirin yekununda isə məktəbimizin direktoru Rəhman Hacıyev bütün kollektivi bayram münasibəti ilə təbrik edərək fəal şagirdləri "Təşəkkürnamə" ilə təbrik etdi.
Tədbirimizdən fraqmentləri izləyə bilərsiniz:
"Novruzum"-1
