Heydər Əliyev və Azərbaycan
Aprel ayının 30-da məktəbimizdə Ulu Öndər H. Əliyevin anadan olmasının 92 - ci ildönümü münasibətilə "Heydər Əliyev və Azərbaycan" adlı tədbir keçirildi.Tədbirə Nəsimi rayon İcra Hakimiyyəti başçısının müavini Gülarə xanım Verdiyeva, "Azərbaycan müəllimi"qəzetinin müxbiri Rəşad müəllim, "Respublika" qəzetinin şöbə müdiri Qədir Aslan və başqaları təşrif buyurmuşdular. Müasir Azərbaycanın yaradıcısı, xalqının, millətinin dayağı ulu öndərin keçdiyi həyat yolu uşaqların ifasında bir daha tədbir iştirakçılarına təqdim edildi. Tədbirə məktəbin həm ibtidai, həm də yuxarı sinif şagirdləri cəlb edilmişdi. Xüsusi geyimli şagirdlər yaratdıqları səhnələrlə, ifa etdikləri şeirlərlə dinləyicilərin rəğbətini qazandı. Tarixi şəxsiyyətləri canlandıran obrazlar tədbirə xüsusi rəng qatdı. IV sinif şagirdi balaca aktyor Məmmədov Rüfətin çıxışı tədbirdə canlanma yaratdıTədbirin sonunda Nəsimi rayon İcra Hakimiyyətinin müavini Gülarə xanım Verdiyeva coğrafiya fənni üzrə qızıl medala layiq görülmüş Respublika Olimpiadasının qalibi Orxan Əlizadəyə və digər müsabiqə qaliblərinə diplomlar təqdim etdi.
