Yaşadığımız diyarın dərman bitkiləri
Bitkilərin müalicəvi xüsusiyyətləri insanlara qədim zamanlardan məlumdur. "Min dərd varsa, min bir də dərmanı var" deyən ulularımız öz azar-bezarlarını bitkilərdən hazırladıqları dərmanlarla müalicə ediblər. Bu məqsədlə bu gün məktəbin 7 "B" sinif şagirdləri biologiya dərsində "Yaşadığımız diyarın dərman bitkiləri" adlı layihə hazırlayaraq, Azərbaycan ərazisində bitən bitkilərin yığılması, saxlanılması, istifadə qaydaları və müalicəvi əhəmiyyətləri haqqında topladıqları məlumatları öz arasında paylaşıblar. Şagirdlər tərəfindən dərman bitkiləri haqqında maraqlı məlumatlar, video çarxlar və elektron təqdimatlar nümayiş etdirilib.
