Azərbaycan mənim həyatımdır!
Məktəbdə “Ümummilli lider Heydər Əliyev: Azərbaycan mənim həyatımdır!” mövzusunda dəyirmi masa keçirilib. Tədbir ulu öndər Heydər Əliyevin anadan olmasının 99-cu ildönümünə həsr edilmişdir.
Tədbirdə çıxış edən məktəbin tarix fənn müəllimi Gülgəz Süleymanova ulu öndərin həyat və fəaliyyətindən, elm, təhsil, mədəniyyət sahələrinin inkişafında göstərdiyi əvəzolunmaz xidmətlərindən, onun rəhbərliyi ilə gerçəkləşən genişmiqyaslı quruculuq işlərindən danışıb. Ümummilli liderin xüsusilə elm və təhsilin inkişafına həmişə böyük diqqət və qayğı göstərdiyi, azərbaycanlı gənclərin respublikadan kənarda təhsil alması üçün geniş imkanlar yaratdığı vurğulanıb.
Daha sonra şagirdlər ulu öndərə həsr edilmiş şeirlər və onun aforizmə çevrilmiş kəlamlarını səsləndirdilər.
Tədbirdə eyni zamanda ümummilli lider Heydər Əliyevin keçdiyi nümunəvi həyat yolu, Azərbaycan Respublikasının qurucusu, müasir Azərbaycan tarixinin yaradıcısı kimi gördüyü işlər və onun siyasi fəaliyyətini özündə əks etdirən videoçarx, sənədli film nümayiş etdirilmişdir.
